Kjartan Magnusson  Lagði  til i stjorn OR að óháð ráðningarfyrirtæki yrði fengið til að leggja mat á hæfni umsækjenda og ynni úr umsóknum í nánu samstarfi við stjórn fyrirtækisins. Áhersla skyldi lögð á að hraða þessari vinnu eins og kostur væri, en tryggja um leið vönduð vinnubrögð. Meirihluti Samfylkingar og Besta flokksins felldi tillöguna.aður hlítur að velta því fyrir sér hvort búið sé fyrir löngu að ákveða hver verði ráðinn í starfið.          

Það er eins og meirihluti besta flokksins og samfylkingarinnar sé staðráðinn í því að hafna öllu því sem heitir fagleg vinnubrögð.                                      

Nú er bara orðið tímabært að nefna nokkra jákvæða punkta um hve frábært starf hefur verið unnið í leikskólamálum Reykvíkinga þetta kjörtímabil.                                                                                 

1.        Rekstrafé til leikskóla eykst um 100 milljónir á milli áranna 2009 og 2010.  Það er vegna aukinnar þjónustu við leikskólabörn.  Áður umrætt hagræðing leikskólasviðs gjörbreyttist í fyrri umræðu borgarstjórnar s.l. fimmtudag, þann 3. des.  þegar sviðið fékk  150 milljóna lækkun sem nýtist leikskólunum.

2.        Leikskólasvið er að greiða starfsfólki leikskóla um hálfan milljarð innan dagvinnutíma sem viðbótargreiðslur.  Þetta fyrirkomulag var tekið upp í manneklu fyrir tveimur árum þegar leikskólinn var í vanda og fékk ekki starfsfólk.  Ekkert annað sveitarfélag hefur bolmagn í að gera sambærilega hluti.   Þetta er hærri upphæð en  öll heildarhagræðing sviðsins og margföld sú upphæð sem við erum að skoða vegna leikskólanna.  Þessi upphæð er um 8% af rekstri leikskólanna.

3.        Hagræðing leikskólanna er fyrst og fremst lækkun á ræstingu í kjölfar útboðs, hagræðingu á yfirstjórn, 14 nýir rammasamningar um innkaup,  sumaraðlögun og lækkun á þjónustutryggingu.  

4.        Þróunar – og nýsköpunarsjóður leikskóla sem skiftir fagstarf og hvatningu miklu máli er með sömu fjárhæð á milli ára.

5.        Í upphafi þessa kjörtímabils var gjaldskrá leikskóla Reykjavíkur lækkuð um 25% og er sú lægsta á landinu. Nú getur munað allt að 50% á gjaldskrá Reykjavíkurborgar og annarra stórra sveitarfélaga.  Systkinaafsláttur er 100% þ.e. aðeins er greitt með einu barna.  Þá fá 5 ára börn verulegan afslátt frá gjaldskrá.  Forgangshópar greiða mun minna.  Þetta hefur lækkað álögur á foreldra leikskólabarna um 250 millj. 

        Hlutfall háskólamenntaðra starfsmanna leikskólanna hefur aukist um 10% á einu ári og er nú 60%

9.        Þjónusta Reykjavíkurborgar hefur markvisst verið aukinn.  Á árinu 2010 njóta fleiri þjónustu en nokkru sinni fyrr.  Samtals fá 8200 börn og foreldrar þeirra fá þjónustu eða stuðning frá leikskólasviði.    Þessi fjöldi var 7200 í árslok 2007    Á leikskólum í Reykjavík árið 2010 njóta 6.700 börn þjónustu sem eru 220 fleiri en fyrir ári síðan 

10.    Nýleg þjónustukönnun hjá leikskólum borgarinnar sýnir að 98% foreldra telja að barni sínu líði vel á leikskólanum og 95% telja að komið sé til móts við þarfir barna þeirra.  Af 35 þjónustuspurningum af 50 voru leikskólarnir að skora hæðst.  

12.    Aldrei hafa leikskólar borgarinnar verið jafnvel mannaðir og er nýting þeirra nú 100% og eins og áður sagði var hægt að bjóða rúmlega 200 börnum vistun vegna þessa.  Stöðugleiki hefur aldrei verið meiri og felur það í sér verulega hagræðingu. 

13.    Hagræðing leikskóla verður 1,85% eins og foreldrar voru upplýstir um á fundi í gær, 10. des. Hagræðing á leikskólasvið í heild er 4,1%

14.    Flestir kjörnir fulltrúar leikskólaráðs eiga börn í leikskólum borgarinnar. Það eru því vökul augu sem eru að leita lausna á því sem útaf stendur.  Foreldrar og starfsfólk eiga fulltrúa í leikskólaráði.

15.    Fulltrúi foreldra í ráðinu hefur staðið sig einstaklega vel og algjörlega endurspeglað sýn foreldra og áherslur með öflug hætti. Samráð leikskólaráðs við foreldra og starfsfólk hefur verið umfangsmikið.  Aldrei hefur verið boðið uppá samtal ráðsins við foreldraráð og foreldrafélög um drög að fjárhagsáætlun áður.

 Þessi listi er langt frá því að vera tæmandi, það er frábært starf unnið í leikskólunum.                

Búnir voru til frasar eins og "gegnsæja Ísland "  svo mörg voru þau orð, innihaldslaust blaður rétt eins og við var að búast frá þessu fólki.

Þetta virðist vera það eina sem þau kunna fyrir sér, innihaldslaus frasa pólitík.

En Dagur gleymdi einu, hvar er þetta vandamál stærst?   jú það er í úlfársdal.   Eins og flestir muna þá var úlfársdalur skipulagður í tíð R-listans og var það engin annar en sjálfur Dagur B. Eggertsson sem var formaður skipulagsráðs borgarinnar þegar hverfið var skipulagt.

Eins og núverandi formaður skipulagsráðs Júlíus Vífill Ingvarsson benti réttilega á í fréttum ruv í gær þá liggja á bak við alla þessa tómu húsgrunna og hálfkláruðu byggingar harmsögur og brostnar vonir fólks.   Júlíus sagði  „Mér finnst bara ekki sæmandi að menn séu að nýta sér slíkar dapurlegar aðstæður til þess að draga það inní eitthvað svona pólitískt þjark á lágu plani"

Dagur hefði átt að muna eftir sínum þætti í þessu máli, hann var jú formaður skipulagsráðs.  Kanski mætti hann ekki dagana sem var verið að fjalla um þetta a fundum, kannski hefur hann mætt jafn illa á þessa fundi og hann mætti síðar á fundi í stjórn faxaflóahafna?

Kannski hefur hann tekið sér frí-Dag

Þetta gerir ekkert annað en að draga úr atvinnuþátttöku fólks, þetta á eftir að stórauka svarta atvinnustarfsemi og eykur jaðaráhrif skattkerfisins.                                                                    Sjálfur hef ég búið við þrepaskipt tekjuskattskerfi og mæli ég ekki með því.  Þetta er vinnuletjandi og dregur bara mátt úr vinnandi fólki og bitnar verst á þeim sem síst skildi. Það ætti ekki að koma neinum á óvart ef það færi nú að bregða við enn meiri landflótta.                                                  Þetta fólk virðist ekki hafa neinn skilning á aðstæðum og vera fast í að skoða einhver línu og skipurit í stjórnarráðinu.

Ríkisstjórnin ætti heldur að einbeita sér að byggja upp atvinnulífið og láta af þessari útrýmingar herferð gegn atvinnustarfssemi í landinu.

Það hefur lengi verið sérstakt áhugamál hjá samfylkingunni að koma á þrepaskiptu skattkerfi á borð við það sem nú er á teikniborðinu.  Þessi ríkisstjórn er úrræðalítil og þjóð sinni skaðleg.

Það er svolítið sorglegt að þegar 20 ár eru liðin frá því að Berlínarmúrinn féll þá séu þessir gömlu kommar hér á Íslandi að fá drauma sína uppfyllta.

En þetta er þó fjarri því að vera eina tilfellið hjá Degi að hann láti sig vanta í vinnuna.  Dagur á einnig sæti í stjórn faxaflóahafna, þar hafa verið verið haldnir 11 fundir það sem af er þessu ári en Dagur hefur aðeins mætt á fjóra þeirra. 

Þó að Dagur hafi væntanlega vitað upp á sig skömmina hefur það ekki hindrað hann eða varamann hans í stjórninni  að gagnrýna Sigmund Davíð fyrir nákvæmlega sömu sök .  Nú hefur spunameisturum samfylkingarinnar heldur betur brugðist bogalistin.

Þetta er Degi og Björk Vilhelmsdóttur til minnkunar þó að ekki hafi verið úr sérlega háum söðli að detta.                                                                                                                   

Nú muna kannski margir eftir því að Dagur B Eggertsson sem vill til að er oddviti samfylkingarinnar í Reykjavík situr í borgarráði fyrir sama flokk sá sér ekki fært að mæta á fundi í mjög langan tíma.  Þá bar hann við miklu annríki á öðrum vígstöðvum. Þó að þessi afsökun hans dugar nú skammt þar sem hann eins og aðrir eiga að sinna þeim störfum sem hann tekur að sér. Þetta á jafnt við þá sem eru varaformenn í stjórnmálaflokkum.

  Einnig er vert að taka það fram að þessi sami Dagur sem nú fer mikinn ásamt flokksystkinum sínum í gagnrýni sinni á Sigmund situr einnig í stjórn Faxaflóahafna, þar hafa á þessu ári verið haldnir 11 stjórnarfundir en Dagur hefur aðeins séð sér fært að mæta á fjóra þeirra eins og sést á þessum fundargerðum sem finna má á vef faxaflóahafna.

.http://www.faxafloahafnir.is/is/fundargerdir/fundir_2009/

Dagur situr líka í stjórn ferðamálaráðs fyrir hönd samband Íslenskra sveitafélaga.  Hvað skyldi koma í ljós ef  þeim steini er velt úr sessi?

Auðvitað eiga Sigmundur Davíð og allir aðrir sem ekki sinna þeim embættum sem þeir eru kosnir til að skammast sín en Dagur Líttu þér nær og lagaðu til hjá sjálfum þér áður enn að þú gagnrýnir aðra.                         

Svona til upprifjunar þá er hérna úrdráttur úr landsfundarályktun VG síðan í mars síðastliðnum sem finna má á heimasíðu flokksins.  Þar kennir ýmissa grasa og er í heildina litið ákaflega hrollvekjandi lesning.  En þó vakti þessi kafli um Evrópusambandið sérstaka athygli mína, það er ekki hægt að sjá annað en að vinstri grænir séu algerlega andsnúnir ESB.

evrópusambandið

"Vinstrihreyfingin – grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrábreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi. "

Eftir að hafa lesið þessa ályktun er það vægast sagt mjög einkennilegt að nokkur þingmaður VG geti haft geð í sér greiða atkvæði með þessu frumvarpi ríkisstjórnarinnar, slíkt væri alger svik við kjósendur flokksins sem margir hverjir kusu VG vegna afgerandi stefnu þeirra í Evrópumálum. Og það er alveg jafn mikil svik að sitja hjá.

Það er ótrúlegt að vinstri grænir láti samfylkinguna teyma sig áfram í þessu máli og selji hugsjónir sínar á þennan hátt. Best væri að losna við þessa skaðlegu ríkisstjórn áður enn skaðinn verður óbætanlegur.

Fólk er bara ekki aflögufært, þessi kunnuglegu meðul vinstrimanna að hækka endalaust skatta eru bara ekki að bíta á vandan,  þetta dregur bara þrek og þrótt úr fólki.  Þessi ríkisstjórn hefur enga burði til að ráða fram úr þessum vanda. Það er viðbúið að nú gerist það sama og gerðist í Færeyjum að unga fólkið flýi land og komi ekki aftur.  Það er ekki erfið ákvörðun fyrir flesta að flytjast af landi brott, sérstaklega þegar launin hér er lægri, skattar margfalt hærri og greiðslubyrði lána mun þyngri.  Það er bara ekki hægt að skattleggja okkur útúr þessum vanda.

Við þurfum að losna við þessa skaðlegu vinstristjórn og það strax.

Vinnuhópurinn sem vann þessar tillögur var stofnaður af forsætisráðherra í áróðursskyni og til þess eins að opna nýjar víglínur í umræðunum um fjármál stjórnmálaflokka (lesist sjálfstæðisflokks)   Að knýja fram lög um þessi efni eins og ætlunin er að gera en í ljósi gagnrýni Ríkisendurskoðunar mundi algerlega undirstrika pólitískan tilgang málsins fremur en efnislegan. Ætlunin væri þá að nýta lögin til að koma höggi á pólitíska andstæðinga.

Að óska eftir bókhaldsupplýsingum frá einstökum prófkjörsframbjóðendum allra flokka, bæði til Alþingis og sveitastjórna, sjö ár aftur í tímann og án tillits til þess hvort þeir náðu kjöri eða ekki er auðvitað fásinna.  Bæði er ærið verk að ná utan um þennan hóp og eltast við hvern og einn fyrir utan að aðferðir manna við fjármögnun og/eða kostun á framboði til prófakjörs eru  margvíslegar og aldrei samanburðarhæfar þannig að til lítils er unnið ef ætlunin er að upplýsa fólk en ekki bara slá pólitískar keilur.

 Það vekur athygli  að fyrirhuguð lög sem eiga að vera afrakstur nefndarstarfsins fjalla ekkert um að opinbera kostnað vegna formannsframboðs.  Skemmst er að minnast blóðugrar og án efa rándýrrar baráttu Ingibjargar Sólrúnar og Össurar um formennskuna í Samfylkingunni.

Einnig má spyrja sig um forgangsröðunina.  Er þetta tilraun til að dreifa athygli almennings frá því sem raunverulega skiptir máli í íslenskum stjórnmálum og þeirri staðreynd að ríkisstjórnin hefur dregið lappirnar og hefur bara ýtt vandanum á undan sér.

"This memorial is a symbolic grave. Here, on this square several hundredsof people fell dead onto the ground due to the killer blow of a firing squad on october 25, 1956.

Honour and remembranche to the wictims.

The system os communism has failed in every sense.

However it will be very hard to rid of communists,  for there is nobody as dangerous as  the usurper of a failed system,  who abandons the system but guards his loot and power position"

Þetta verður örugglega skemmtilegur fundur og ég hvet alla til að mæta. Eftir framsögurnar gefst fundarmönnum kostur á að spyrja þá Birgi og Harald spurninga.

Það skildi þó ekki vera að gamla góða krónan okkar eigi eftir að standa sig.  Margir höfðu spáð  því fyrirfram að krónan yrði í frjálsu falli um leið og hún yrði sett á flot.  En það getur ýmislegt gerst og það getur fljótt sigið á ógæfu hliðina.

Vonandi heldur hún áfram að eflast og styrkjast, nú er mikilvægt að vera bjartsýnn.